१० औं एमेच्योर ओपन गल्फ यसै साता
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपाल गल्फ संघले नेपाल एमेच्योर ओपन गल्फ च्याम्पियनसिपको १०औं संस्करण बुधबारदेखि आयोजना गर्ने भएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![१० औं एमेच्योर ओपन गल्फ यसै साता](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/4381545089706256076870561300310692208146750n-2652024060317-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
नेपाली गल्फको सबैभन्दा ठूलो एमेच्योर प्रतियोगिता गोकर्ण फरेस्ट गल्फ कोर्समा ५४ होलमा प्रतिस्पर्धा हुनेछ । प्रतियोगितामा करिब ४५ पुरुष र १५ महिला गल्फरको सहभागिता रहने संघका महासचिव दीपक आचार्यले जनाकारी गराए ।
प्रतियोगितालाई राष्ट्रिय खेलकुद परिषद् (राखेप), नेपाल पर्यटन बोर्ड, गोकर्ण गल्फ कोर्स, होटल रोयल सिंगीलगायतले सहयोग गर्नेछन् ।
फाइनल राउन्डमा पुरुष र महिला दुवैतर्फ ३६ होलपछि कट लागू गरिनेछ । पुरुषमा टिम इभेन्टमा पनि प्रतिस्पर्धा हुनेछ । ३६ होलपछिको कुल स्कोरले टिम च्याम्पियन निर्धारण गर्नेछ ।
विश्व एमेच्योर गल्फ वरीयाताको यस प्रतियोगितामा पुरुषतर्फ नेपालसहित बंगलादेश, भुटान, भारत, श्रीलंकाका गल्फ खेलाडीले भाग लिनेछन् । महिलातर्फ नेपालसहित भारत, श्रीलंकाका खेलाडी प्रतिस्पर्धी हुनेछन् ।
नेपाल ‘ए’ टिमबाट सद्भाव आचार्य र टासी छिरिङ, ‘बी’बाट वाङचेन ढोन्डुप र राहुल विश्वकर्माले प्रतिस्पर्धा गर्नेछन् । संघका अध्यक्ष टासी घलेले विगतका संस्करणभन्दा यसपालि प्रतियोगिता अझै प्रतिस्पर्धात्मक हुने बताए । उनले सार्क राष्ट्रका राम्रा गल्फरको सहभागिता रहने र त्यसले प्रतियोगितालाई प्रतिस्पर्धात्मक बनाउने बताए । भारतबाट गत वर्षका विजेता सुमित कोटवालसहित साट मिश्र, भुटानबाट निम दोर्जी तामाङ, बंगलादेशबाट शाहब उद्दिन, मोहम्मद अबुबकारलगायतले भाग लिनेछन् ।