कोलकाताको बेंगलुरुमाथि रोमाञ्चक जित

जितका लागि २ सय २३ रन पछ्याएको बेंगलुरुले सबै विकेट गुमाएर २ सय २१ रन मात्र बनाउन सक्यो । करण शर्माले सात बलमा २० रन बनाएर बेंगलुरुलाई जिततर्फ अग्रसर गराए पनि उनी दोस्रो अन्तिम बलमा आउट भए ।

बेंगलुरुलाई जितसम्म पुग्न अन्तिम ओभरमा २१ रन चाहिएको थियो । त्यस अगाडि कोलकाताले पहिले ब्याटिङ गर्दै छ विकेटमा २ सय २२ रन बनाएको थियो । यो जितपछि कोलकाता १० अंकका साथ दोस्रो स्थानमा उक्लेको छ । बेंगलुरु भने दुई अंकका साथ दस टिममध्ये पुछारमा छ ।