आईपीएल २०२४ : दिल्लीको दोस्रो जित
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
लखनउ — जेक फ्रेसर–म्याकग्रुकले आईपीएल २०२४ मा डेब्यू गर्दै अर्धशतक बनाएपछि दिल्ली क्यापिटल्सले शुक्रबार लखनउ सुपर जायन्ट्सलाई ६ विकेटले पराजित गरेको छ । अघिल्लो दिनमात्रै २२ औं जन्मदिन मनाएका फ्रेसर–म्याकग्रुकले कप्तान ऋषव पन्तसँग तेस्रो विकेटका लागि ७७ रनको साझेदारी गरे ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![आईपीएल २०२४ : दिल्लीको दोस्रो जित](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/sporsts-1342024031706-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
त्यसको मद्दतले दिल्लीले ११ बलको खेल बाँकी छँदा ४ विकेट गुमाएर १ सय ७० रन बनायो र पहिले ब्याटिङ गर्दै लखनउले ७ विकेटमा बनाएको १ सय ६७ रनलाई उछिन्यो । दिल्लीको यो दोस्रो जितमात्रै हो र यससँगै १० टिम सम्मिलित प्रतियोगिताको नवौं स्थानमा उक्लेको छ । लखनउ भने चौथो स्थानमा छ ।
लखनउका लागि आयुष बदोनीले सर्वाधिक ५५ रन बनाए । दिल्लीका लागि २० रन खर्चेर ३ विकेट लिएका कुलदीप यादव ‘प्लेयर अफ द म्याच’ रहे । त्यसपछि अस्ट्रेलियाली फ्रेसर–म्याकग्रुकले ३५ बलमा ५५ रन जोडे । उनले २ चौका र ५छक्का प्रहार गरे । ऋषवले पनि ४१ रनको योगदान दिए ।
प्रकाशित : वैशाख १, २०८१ ०६:५९