२७.१२°C काठमाडौं
ट्याक्टरबाट खसेर एक जनाको मृत्यु
दार्चुला — महाकाली नगरपालिका-३ गराकु खोलास्थित मुल्ला बगरमा ट्याक्टरबाट खसेर एक जनाको मृत्यु भएको छ । गएराति ९ बजेतिर काटै-बाज सडक खण्डको मुल्ला बगरमा मनाकोटका स्थानीय अन्दाजी ४० वर्षीय हरकसिंह नगालको मृत्यु भएको प्रहरीले जनाएको छ ।
जिल्ला प्रहरी कार्यालय दार्चुलाका अनुसार मुल्ला बगरबाट बाँजतर्फ आउँदै गरेको सुदूरपश्चिम प्रदेश ०२००२ त १५९२ नम्बरको ट्याक्टरमा सवार रहेका बेला ट्याक्टरबाट खसेर घटनास्थलमै नगालको मृत्यु भएको हो ।
जिल्ला प्रहरी कार्यालयबाट खटिएको प्रहरी टोलीले शवको मुचुल्का गरी पोस्टमार्टमका लागि जिल्ला अस्पताल ल्याइएको प्रहरीले जनाएको छ । ट्याक्टर चालक महाकालि नगरपालिका-३ बाजका धनसिंह महरालाई नियन्त्रणमा लिएको प्रहरीले बताएका छन् ।
प्रतिक्रिया
