कास्कीको पुम्दीभुम्दीमा बस दुर्घटना, ७ जना घाइते
पोखरा — पोखरा–२२ पुम्दीभुम्दीमा आइतबार बस दुर्घटना हुँदा ७ जना घाइते भएका छन् । छोरेपाटनबाट विश्व शान्ति स्तुप हुँदै पुम्दीकोट जाँदै गरेको ग १ ख ८५८५ नम्बरको नगर बस दुर्घटनामा परेको हो । उकालो उक्लिँदै गरेको बस पछाडि हटेर भीरबाट खसेको थियो ।
घाइतेको उद्धार गरी पोखराको विभिन्न अस्पतालमा पुर्याइएको जिल्ला प्रहरी कार्यालय कास्कीका प्रवक्ता डीएसपी श्रवणकुमार विकले बताए । घाइतेको उपचार फरक–फरक अस्पतालमा भइरहेकोले स्थितिबारे जानकारी दिने काम भइरहेको उनले उल्लेख गरे ।
प्रतिक्रिया
