प्रहरीले लगाएको हत्कडीसहित गाँजा कारोबारी फरार

प्रहरीकाअनुसार सिन्धुलीको हरिहरपुरगढी गाउँपालिका-७ को क्यामनचुलीबाट सर्लाहीतर्फ जाँदै गरेको ना. ४४ प. ६०२९ नं को मोटरसाइकल खानतलासी गर्ने क्रममा प्रहरीले चामलको बोरामा लुकाइ छिपाइ लैजान लागेको २० किलो गाँजा फेला पारेको थियो ।

नाम वतन नखुलेका गाँजा कारोबारीलाई हत्कडी लगाइ गाँजा र मोटरसाइकल नियन्त्रणमा लिने क्रममा भीरमा हाम्फालेर फरार भएको प्रहरीले जनाएको छ ।

खोज तलासकोक्रममा तीनसय मिटर पर हत्कडी तोडेर फालेको अवस्थामा फेला परेको र फरार व्यक्तिको खोजतसाल भइरहेको सिन्धुली प्रहरीका डिएसपी चिरन्जिवी दाहालले जानकारी दिए ।