बाँदर खेद्न गएका व्यक्ति आफैँले बोकेको बन्दुक पड्किएर मृत्यु
पाँचथर — बाँदर धपाउन गएका एक व्यक्तिको आफैँले बोकेको बन्दुक पड्किएर मृत्यु भएको छ । हिलिहाङ गाउँपालिका-४ का मनकुमार सिगुको आफैँले बोकेको बन्दुक पड्किएर ज्यान गएको हो ।
आइतवार अपरान्ह घरदेखि नजिकैको बारीमा गएका ५१ वर्षीय सिगुको बाँदर तर्साउन बन्दुक पड्काउन खोज्दा ब्याक फायरिङ भएर छर्राले लाग्दा ज्यान गएको हो ।
बन्दुक पड्किँदा घाइते भएका उनको पाँचथर अस्पतालमा ल्याउने क्रममा निधन भएको जिल्ला प्रहरी कार्यालय पाँचथरका प्रहरी निरीक्षक सुमित कुश्वाहाले जानकारी दिए । अपरान्ह नै घटना भएपनि स्थानीयले प्रहरीलाई भने राति ढिला गरी खबर गरेको प्रहरीले जनाएको छ ।
प्रकाशित : वैशाख १०, २०८१ २१:३१प्रतिक्रिया