तेह्रथुममा आगलागीबाट ५ घर नष्ट

चैत्र ३, २०८०चन्द्र कार्की

तेह्रथुम — आठराई गाउँपालिका १ संक्रान्तिबजार नजिकैको पुराना गाउँमा शनिबार बेलुकी ५ बजेतिर आगलागी हुँदा ४ घर जलेका छन् । आगलागीमा स्थानीय देवी गौतम, बलराम गौतम, गणेश गौतम, गोविन्द गौतमको घर र दुई वटा गोठ जलेका छन् ।

गाउँ नजिकै रहेको स्याखोक जंगलमा लागेको डढेलो बस्तीमा सल्किएपछि ती घर तथा गोठ जलेको इलाका प्रहरी कार्यालय संक्रान्तिले जनाएको छ । बस्तीमा सल्किएको आगो प्रहरी र स्थानीयले निभाउने प्रयास गरिरहेका छन् । जंगलको आगो भने नियन्त्रणमा आउन नसकेको उद्योग वाणिज्य संघ संक्रान्तिबजारका अध्यक्ष प्रेम पौडेलले जानकारी दिए ।