पहिचानपक्षधरको बन्दले मध्यपहाडी लोकमार्ग ठप्प

हलेसीमा पूर्वसंस्कृतिमन्त्री गोपाल किराती, जनता समाजवादी पार्टी खोटाङका जिल्ला सदस्य राजेश राई, वाईसीएल नगर इन्चार्ज विजय राई र जनता समाजवादी पार्टीका जिल्ला सदस्य गन्धमान राई पक्राउ परेका हुन् । नुनथलामा नेपाल आदिवासी जनजाति महासंघ खोटाङका महासचिव उदीम चाम्लिङ पक्राउ परेको प्रदेश १ पुनःनामांकन संघर्ष समिति खोटाङका संयोजक युगसन किरातीले बताए ।

बन्दकर्ताहरूले सार्वजनिक यातायात चल्न दिएका छैनन् । एमाले नेता कार्यकर्ता बोकेका यातायातका साधन भने प्रहरी स्कर्टिङ गरेर ओखलढुंगाको हर्कपुरमा हुने कार्यक्रम स्थलतर्फ लगेको छ । प्रमुख जिल्ला अधिकारी सन्तबहादुर सुनारले भने कतै पनि सडक अवरुद्ध नभएको बताएका छन् ।