मछिन्द्र एएफसी कप छनोटको दोस्रो चरणमा [तस्बिरहरु]

मछिन्द्रले अब प्लेअफको दोस्रो चरणमा भारतीय क्लब मोहन बगान सुपर जायन्टको सामना गर्नेछ । खेल साउन ३१ गते बुधबार कोलकातास्थित साल्ट लेक रंगशालामा हुनेछ । यो खेलको विजेताले समूह चरणमा स्थान बनाउन बंगलादेशको अवाहानी ढाका र माल्दिभ्सको क्लब इगल्सको विजेतासँग खेल्नेछ ।

सहिद स्मारक ए डिभिजन लिग च्याम्पियन चर्च ब्वाइज युनाइटेड क्लबसँग एएफसी क्लब लाइसेन्स नभएपछि मछिन्द्रले एएफसी कप छनोट खेल्न पाएको हो । मछिन्द्रले लगातार दोस्रोपटक एएफसी कपको छनोट खेलेको हो ।