फेसबुक ह्याक गरी चरित्र हत्या गर्ने युवक पक्राउ

अध्ययनको सिलसिलामा विदेश गएकी महिलालाई दैनिक फोन म्यासेज गरेर धम्की दिई सामाजिक सञ्जाल फेसबुक समेत ह्याक गरी लोहनीले अश्लिल फोटो तथा भिडियोहरु फेसबुकसँग जोडिएका व्यक्तिहरुलाई पठाउने गरेको प्रहरीको अनुसन्धानमा खुलेको छ ।

यस्तै, फेसबुक लाइभबाट आत्महत्या गर्ने र पीडित लगायतलाई फसाउने, पीडितको चरित्रहत्या गर्ने भन्दै लोहनीले धम्क्याउने गरेको काठमाडौं उपत्यका अपराध अनुसन्धान कार्यालयले जनाएको छ ।

पक्राउ परेका लोहनीलाई विद्युतीय कारोबार ऐन अन्तर्गतको कसूरमा थप अनुसन्धान एवं कारबाहीको लागि प्रहरी परिसर टेकु पठाएको कार्यालयका प्रवक्ता एसपी रवीन्द्र रेग्मीले बताए ।