उपेन्द्र यादव र महन्थ ठाकुर अचानक काठमाडौंमा- समाचार - कान्तिपुर समाचार
कान्तिपुर वेबसाईट
AdvertisementAdvertisement

उपेन्द्र यादव र महन्थ ठाकुर अचानक काठमाडौंमा

बसन्त बस्नेत

काठमाडौं — सर्लाहीमा हुने भनिएको आमसभा छाडेर मधेसी मोर्चाका नेताहरु अकस्मात् काठमाडौं फर्केका छन् । तमलोपा अध्यक्ष महन्थ ठाकुर र समाजवादी फोरम उपेन्द्र यादव अहिले अपराह्न जनकपुरबाट एउटै विमानमा काठमाडौं ओर्लेका हुन् ।


'म अचानक आएको हुँ, यहा अरुसँग केही कुरा हुन पाएको छैन,' काठमाडौं ओर्लेपछि ठाकुरले कान्तिपुरसँग भने, 'अहिलेसम्म वार्ताको केही खबर आएको छैन ।'
यादवले पनि आफू काठमाडौं आइपुगेको भन्दै विस्तृतमा पछि कुरा गर्ने बताए ।
तर भोलि काठमाडौं आउने भनी मधेस झरेका ठाकुर अर्का नेता यादवसँगै अकस्मात् काठमाडौं आइपुग्नुले राजनीतिक वृत्त एकाएक गर्मिएको छ ।

 

प्रकाशित : मंसिर १७, २०७२ १६:३९
प्रतिक्रिया
पठाउनुहोस्

कोरला नाका खोल्न सम्भव छ: विकास समिति

प्रकाश बराल

बागलुङ — चीनसँग जोडिएको कोरला नाका खोल्न सकिने व्यवस्थापिका संसदको विकास समितिले ठहर गरेको छ । छोटो दुरीमा व्यापारिक कारोबार गर्न सकिने र सडकको ट्र्याक खुलिसकेकोले समितिले नाका खोल्नुपर्ने निस्कर्ष निकालेको सभापति रवीन्द्र अधिकारीले बताए । समितिका पदाधिकारीले स्थलगत भ्रमण गरेर नाका खोल्न सकिने निस्कर्ष निकालेको हो ।

चीनसँग जोडिएको कोरला नाका खोल्न सकिने व्यवस्थापिका संसदको विकास समितिले ठहर गरेको छ ।

छोटो दुरीमा व्यापारिक कारोबार गर्न सकिने र सडकको ट्र्याक खुलिसकेकोले समितिले नाका खोल्नुपर्ने निस्कर्ष निकालेको सभापति रवीन्द्र अधिकारीले बताए । समितिका पदाधिकारीले स्थलगत भ्रमण गरेर नाका खोल्न सकिने निस्कर्ष निकालेको हो ।

‘सडकको ट्र्याक खुलिसकेकोले स्तरोन्नती गरेर सञ्चालनमा ल्याउन सकिन्छ,’ अधिकारीले भने, ‘कोरला नाकादेखि छिमेकी चीनको बजार र राष्ट्रिय राजमार्ग समेत नजिकै रहेछ ।’ उनले समितिको निस्कर्षको प्रारम्भिक प्रतिवेदन बुधवारै सरकारलाइ बुझाएको बताए ।

मुस्ताङ सदरमुकाम जोमसोमदेखि लोमान्थाङ–कोरला सडक जिविस लगायतका संस्थाबाट ग्रामीण मार्गको रुपमा खुलेको थियो । उत्तरदक्षिण कालीगण्डकी कोरिडोरको रुपमा पनि सूचिकृत भइसकेकोले छिट्टै स्तरोन्नती भएर सञ्चालनमा आउने उनले बताए ।

२०३२ सालमा भन्सार खुलेर सामान्य काम भइरहेकोले स्तरोन्नतीबाटै नाका खोल्न सकिने निस्कर्षमा पुगेको उनको प्रतिवेदन छ । ‘जिल्ला भित्रको आवस्यक पर्ने खाद्यान्न, वस्तु तथा सेवाका लागि मात्र यो नाका प्रयोगमा आएको थियो,’ अधिकारीले भने, ‘अब राष्ट्रका लागि खुल्नेछ ।’ भन्सार र क्वारेन्टाइन कार्यालयको पूर्वाधार पनि छ ।

चीनले केही वर्षदेखि कोरला नाकामा काँडेतारको घेरा लगाएको छ । नेपालले भने खुलै छाडेकोले व्यापारिक कारोबार सञ्चालन भएको छैन । समितिका सभापति सहितको टोलीले उत्तरी नाकाहरुको स्थलगत भ्रमण थालेपछि कोरलापनि पुगेका हुन् ।

उक्त नाका खोलेर सडक डिभिजन कार्यालय बागलुङलाई तत्काल काम गर्न जिम्मा दिनुपर्ने समितिका सदस्य प्रकाश शर्मा पौडेलले बताए । नाका खोल्दा नेपाल र चीन बिचका धेरै सम्बन्धको विकास हुने समितिको ठहर छ ।

२०३२ सालमा नाका खुलेपनि निरन्तरता नभएपछि अहिले सुनसान भएको हो । भारतको अघोषित नाकाबन्दीपछि भने नाका खोल्न दबाब परेको स्थानीय पनि बताउँछन् । उक्त नाका खुलेमा पर्यटन विकास र व्यपार बढ्नेमा स्थानीय खुसी भएको स्थानीय सन्तोष शेरचनले बताए ।

नाकाबन्दीले देशमा आर्थिक तथा मानवीय संकट आइरहेका बेला कोरला नाका खोल्दा भारतको एकाधिकार र नेपालीको परनिर्भरतामा कमी आउने मुस्ताङकी सांसद श्रीमाया थकालीले बताइन् ।

‘हिजोका दु:खका दिन बिर्साएर विकासको फल चखाउन पनि सकिनेछ,’ थकालीले भनिन् । ग्रामीण सडकका रुपमा रहेको १ सय किलोमिटर र बेनी जोमसोमको ७६ किमी सडकको स्तरोन्नती गर्न करोडौं खर्च लाग्ने भएकोले समितिको पहलमा सरकारले बजेटको व्यवस्था गर्नुपर्ने पनि सदस्यहरुले बताए ।

प्रकाशित : मंसिर १७, २०७२ १६:२८
पूरा पढ्नुहोस्
प्रतिक्रिया
पठाउनुहोस्
×