सरकार मोर्चासँग लचकताका साथ प्रस्तुत हुने : थापा
काठमाडौं — उच्चस्तरीय राजनीतिक समितिको आजको बैठकले आन्दोलनरत संयुक्त लोकतान्त्रिक मधेसी मोर्चासँगको वार्तामा लचकताका साथ प्रस्तुत हुने निर्णय गरेको छ ।
नयाँ संविधानमा असन्तुष्ट भई आन्दोलनमा रहेको मोर्चाका माग सम्बोधनका लागि सरकार लचिलो रहेको भनी आजै हुने वार्तामा आश्वस्त पारिने भएको छ ।
सरकारलाई समर्थन गर्ने दलका शीर्ष नेता रहेको सो समितिले सरकारी वार्ता टोलीका संयोजक उपप्रधानमन्त्री कमल थापालाई आवश्यक अख्तियारी दिएको छ । सरकारी वार्ता टोली र मोर्चाको टोलीबीच आज हुने वार्ताकाे वार्तास्थल परिवर्तन भएकाे छ । वार्ता अाज ४ बजे नेपाल संघीय समाजवादी फोरम नेपालकाे कार्यालय तीनकुनेमा हुने भएकाे छ ।
सरकारी वार्ता टाेलीका संयाेजक उपप्रधानमन्त्री कमल थापाले सरकार लचकताका साथ प्रस्तुत हुने बताएका छन् ।
उता मधेसी माेर्चा तर्फबाट वार्ता टाेलीका सदस्य लालबाबु राउतले अाजकाे वार्ता पनि सफल नभए निरन्तर वार्तामा बस्नुकाे कुनै अर्थ नहुने टिप्पणी गरेका छन् ।
प्रधानमन्त्री केपी शर्मा ओलीको उपस्थितिमा समितिका संयोजक एमाओवादीका अध्यक्ष पुष्पकमल दाहालको संयोजकत्वमा प्रधानमन्त्री निवास बालुवाटारमा समितिको बैठक बसेको थियो ।
प्रकाशित : कार्तिक १५, २०७२ ११:४६
