पहिलो पटक 'इन्साइडर ट्रेडिङ' कसुरमा गुरुप्रसाद न्यौपाने विरुद्ध अदालतमा मुद्दा दायर

रिडी पावर कम्पनी लिमिटेडका तत्कालीन अध्यक्ष न्यौपानेले उक्त कम्पनीको सेयर निज सो पदमा बहाल रहँदाकै बखत २०७७ चैत १९ देखि ०७८ साउन २४ सम्म खरिद बिक्री गरेको विषयमा तहकिकात गर्दा निजले धितोपत्र सम्बन्धी ऐन, २०६३ को दफा ९१ बमोजिमको भित्री कारोबार गरेको देखिएकोले उक्त कसुरमा निज उपर जिल्ला अदालत काठमाडौंमा मुद्दा दर्ता गरिएको बोर्डले जनाएको छ ।

धितोपत्र सम्बन्धी ऐन, २०६३ को दफा १०१ को उपदफा (१) बमोजिमको सजायको माग दाबी लिई बुधबार जिल्ला अदालत बबरमहल, काठमाडौंमा मुद्दा दायर गरिएको हो । बोर्डको अनुसन्धानबाट न्यौपानेले ३ करोड २३ लाख रुपैयाँ बराबरको विगो कसुर गरेको खुल्न आएको छ । अदालतले पनि न्यौपानेलाई दोषी ठहर गरेको हकमा न्यौपानेले ३ करोड २३ लाख बिगो र सो बराबर जरिवानासहित एक वर्ष जेल बस्नु पर्ने व्यवस्था धितोपत्र ऐनमा छ ।