पैसाका लागि नागरिकलाई अनागरिक बनाउने खेलले अहिले नेपाली राजनीति तातेको छ । तल्लो तहको यस्तो अपराधको विषय राजनीतिभन्दा टाढा हुनुपर्ने थियो । तर, अपराध राजनीतिसँग अन्तर्घुलित भएकाले दलहरू यस्ता निकृष्ट घटनामा समेत तानिँदै आएका छन् ।
अख्तियार दुरुपयोग अनुसन्धान आयोग अहिले कोमामा छ । यसलाई राजनीतिक दलहरूले चाहेरै कोमामा लगेका हुन् । यसको पछाडिको कारण हो— भ्रष्टाचार जगाउनु । अर्थात्, भ्रष्टाचारलाई मलजल गरेर हुर्काउन अख्तियारलाई कोमामा लैजाने काम भयो । यस्तो काम लामो प्रक्रियाबाट भएको हो । यसमा सरकारमा बस्ने सबै दलको उत्तिकै भूमिका छ ।
