छठ पुजा

उदाउँदो सूर्यलाई अर्घ दिँदै छठको बिदाइ [तस्बिरहरु]

उषाकालीन सूर्यलाई अर्घ दिई ४ दिवसीय छठ महापर्व आइतबार सम्पन्न भएको छ । झन्डै ३६ घण्टादेखि निराहार व्रतालुले उदाउँदो सूर्यलाई अर्घ प्रदान गरी तथा सूर्य कथा सुनेर अन्नजल ग्रहण गर्छन् ।गत बिहीबार नहाय–खायसँगै पर्व सुरु भएको हो । काठमाडौं उपत्यकासहित देशका विभिन्न ठाउँका नदी, ताल, पोखरीमा हजारौं श्रद्धालु बिहानैदेखि भेला भएका थिए । व्रतालुसँगै अन्य श्रद्धालुले पनि उदाउँदो सूर्यलाई नमस्कार गरी प्रसाद ग्रहण गरे । यो पर्व निष्ठा पूर्वक मनाइने भएकाले युवालाई अनुशासनमा बाँध्न सहयोग पुर्‍याएको स्थानीय बताउँछन् । सुस्वास्थ्य, दीर्घ जीवन, सन्तान प्राप्ति तथा पारिवारिक सुखका लागि प्रत्येक वर्ष कार्तिक शुक्ल षष्ठी र सप्तमीका दिन छठ मान्ने चलन छ । उदाउँदो सूर्यलाई अर्घ दिँदै गर्दा काठमाडौंका गुहेश्वरी र थापाथली नदी परिसरमा इलिट जोशी र दिपक केसीले लिएका तस्बिरहरु :

छठ पर्वको दोस्रो महत्वपूर्ण दिनमा साँझपख घरघरै ‘खरना’ पुजा

चार दिनसम्म मनाइने सूर्य आराधनाको महापर्व छठको दोस्रो दिन शुक्रबार घरघरै उमंगकासाथ ‘खरना’ पुजाको तयारी हुँदैछ । ब्रतालुले पहिलो दिन बिहीबार विहान नुहाएर शाकाहारी भोजन ग्रहण गरी ब्रत सुरु गरेका हुन् । यो विधिलाई ‘अरबाअरबाइन’ वा ‘नहा खा’ भनिन्छ ।

अस्ताउँदो सूर्यलाई अर्घ

मिथिलाञ्चलमा छठ पर्वमा मंगलबार अस्ताउँदो सूर्यको पूजा गरिएको छ । आइतबार नहाय–खायसँगै सुरु भएको चार दिवसीय महापर्व बुधबार बिहान उदाउँदो सूर्यलाई अर्घ प्रदान गरी सम्पन्न हुनेछ ।