दाङमा माटोको ढिस्कोले पुरिएर दुई बालकको मृत्यु
दाङ — माटोको ढिस्कोले पुरिएर आइतबार घोराहीमा दुई बालकको मृत्यु भएको छ । घोराही उपमहानगरपालिका–९ कर्मटेका १२ वर्षीय माधब चौधरी र १२ वर्षीय आशिष चौधरीको मृत्यु भएको हो ।
घोराही–९ आन्द्रभरैयास्थित बबई नदी छेउमा दिउँसो माटो निकालेर खाल्डोमा खेलिरहेको अबस्थामा माथिबाट ढिस्को खसेर मृत्यु भएको जिल्ला प्रहरी कार्याल दाङका सूचना अधिकारी डिएसपी जनकबहादुर मल्लले बताए ।
माटोले पुरिएर घाइते भएका बालकहरुको राप्ती स्वास्थ्य बिज्ञान प्रतिष्ठान घोराहीमा उपचारका क्रममा मृत्यु भएको उनले जानकारी दिए ।
प्रतिक्रिया