सुनसरीको हरिनगर र देवानगञ्जमा कर्फ्यु कायमै

इनरुवा नगरपालिका, कोशी र भोक्राह नरसिंह गाउँपालिका क्षेत्रमा लगाइएको कर्फ्यु भने हटाइएको प्रमुख जिल्ला अधिकारी आचार्यले बताए । आइतबार अपरान्हपछि पुन: प्रदर्शन चर्किएपछि स्थानीय प्रशासनले ती दुई स्थानीय तहमा भने कर्फ्युलाई निरन्तरता दिएको हो ।

हरिनगरमा आइतबार अपरान्ह चर्किएको प्रदर्शन नियन्त्रणमा लिन प्रहरीले १२ राउन्ड हवाइफायर र २९ सेल अश्रु ग्याँस प्रहार गरेको थियो । प्रदर्शनकारीले सुरक्षाकर्मीमाथि ढुंगामुढा प्रहार गर्नुका साथै कुटपिट गर्दा प्रहरी नायब उपरीक्षक नवीनकृष्ण भण्डारीसहित नौ प्रहरी घाइते भएका थिए ।

जसकारण ती दुई स्थानीय तहहरु हरिनगर र देवानगञ्ज गाउँपालिका क्षेत्रमा भने कर्फ्यु थप कडाइका साथ लागू गरेको छ । गत बिहीबार हरिनगर गाउँपालिकामा दुई समूहबीच झडप भएपछि अवस्था असामान्य बनेको हो । दुई समूहबीच घटनाले सामाजिक सद्भाव भड्किन नदिन र जनताको जिउधनको सुरक्षाका लागि गत बिहीबारदेखि कर्फ्यु लगाइएको हो ।