उमालाई 'खाम्सा' उपहार [तस्बिरहरू]

कमलामाई नगरपालिका-५ मा गत वर्ष पुसमा हेफर इन्टरनेशनल नेपालको सहयोगमा ५१ परिवारलाई होलिस्टाइन जातका गाई वितरण गरिएको थियो । त्यसमध्ये स्थानीय गुणकुमारी घिमिरेले पालेको होलिस्टाइन जातको गाईले जन्माएको ‘खाम्सा’ कोरियन होलिस्टाइन जातको नेपालकै पहिलो बाच्छी हो । यहाँका किसानलाई गाई बितरण गर्ने बेला नै सुरुवातमा गाई प्राप्त गर्ने किसानले पहिलो बेतको बाच्छी उपहारस्वरुप अन्य किसानलाई दिनुपर्ने नियम रहेको छ । गाई पालनका लागि १०९ जना किसान समूहमा आबद्ध भएका छन् । किसान सुवेदीले उपहारमा पाएको बाच्छी भने माउबाट छुटाएर लैजान पाँच महिना कुर्नुपर्ने हुन्छ । पहिलो चरणमा ५१ जना किसानले गाई पाएकोमा तीबाट जन्मिने बाच्छीहरु क्रमश: किसानलाई हस्तान्तरण गर्दै जानुपर्ने नियम छ । राजदूत योङले नेपाल–दक्षिण कोरियाबीच सम्बन्ध भएको ५० वर्ष पुगेको उपलक्ष्यमा गैयाँटार, दमार, राजपानी, ढकालगाउँलाई कोरिया–नेपाल मोडेल डेरी भिलेज नामाकारण गरिएको प्रतिमाको समेत अनावरण गरेका थिए । नेपालमा भएका गाईले थारो नहुन्जेल दुई हजार ८ सय लिटर दुध दिने, तर होलस्टाइनले १० हजार लिटर दुध दिने भएकाले नश्ल सुधारमा जोड दिनुपर्ने खाँचो रहेको विज्ञहरुको सुझाव छ ।