काठमाडौंमा मनाइयो गाईजात्रा

मल्लकालमा छोरोको निधन भएपछि शोकमा डुबेकी रानीलाई सान्त्वना दिन राजा प्रताप मल्लले सन्तान गुमाएका परिवारले गाईजात्रा निकाल्ने परम्परा बसाएको मानिन्छ । काठमाडौंमा शुक्रबार विभिन्न टोलबाट निकालिएको गाईजात्राका सहभागीले वसन्तपुरलगायत मुख्य सहरी क्षेत्र परिक्रमा गरेका छन् । यसरी नगर परिक्रमा गर्नाले वर्षभरि मृत्यु भएका व्यक्ति गाईको पुच्छर समाती वैतरणी पार हुने धार्मिक विश्वास छ ।