तुवाँलोले ढाक्यो नेपाली आकाश

काठमाडौँ — काठमाडौँ उपत्यकासहित नेपालका विभिन्न जिल्लाको आकाश केही दिनदेखि तुवाँलोले ढाकेको छ । जल तथा मौसम विज्ञान विभागका अनुसार नेपालका धेरैजसो जिल्लामा तुवाँलो लागिरहेको छ । डढेलो‚ खडेरीलगायतबाट सिर्जित प्रदूषणका कण वायुमण्डलमा जम्मा भएकाले धेरैजसो स्थानमा प्रदूषण बढ्न गई पारदर्शिता घटेको छ । यसबाट हुने प्रदूषणका कारण आँखा पोल्ने‚ श्वासप्रश्वासमा समेत समस्या देखिने र स्वास्थ्यमा नकारात्मक असर पुग्ने चिकित्सिकहरूले बताएका छन् ।

पर्सा वन्यजन्तु आरक्षको अधिकांश भागमा डढेलो लाग्दा वीरगन्जमा देखिएको तुवाँलो । सोमबार खिचिएको यो तस्बिरमा वीरगन्ज तुवाँलोले अँध्यारो बनेको छ । तस्बिर : शंकर आचार्य/कान्तिपुर