मिटरब्याजपीडितको प्रदर्शनमा धरपकड

बुधबार उनीहरूले सिंहदरबार अगाडि प्रदर्शन गरेका थिए । सोही क्रममा दर्जनौंको संख्यामा पीडित प्रदर्शनकारीहरूलाई प्रहरीले पक्राउ गरेको हो । प्रदर्शनको क्रममा पीडितहरूले 'जाली तमसुक खारेज गर', 'सुदखोरको सम्पत्ति छानबिन गर', 'किसानको भूमि खारेज गर' लगायतका नारा लगाएका छन् ।

यसअघि उनीहरूले शान्ति वाटिकादेखि बालुवाटारसम्म पैदलयात्रा गर्दै मजदुर मार्च समेत गरेका थिए । ११ दिनको पैदलयात्रापछि गत साता बर्दिबासबाट हिँडेर काठमाडौं आएका पीडितहरूसँग सरकारले चैत १८ गरेको सहमति पनि फितलो भएको भन्दै दबाब दिन मधेसका पीडितहरू काठमाडौं आएका हुन् ।