नयाँ पार्टी उर्लंदो खहरे हुन् : रमेश लेखक

‘कांग्रेस मंसिरमा पनि उत्तिकै बग्ने नदीसमान हो, अरु खहरे हुन् मंसिरमा हुँदैनन्,’ लेखकले भने, ‘नयाँ पार्टी उदाउँदैमा कुनै पनि कांग्रेसीले आत्तिनु पर्दैन ।’

प्रमुख सचेतक लेखकले बीपीको विचार कालजयी भएको बताए । ‘बीपी कोइरालाले नागरिक र मुलुकको भलो प्रजातान्त्रिक समाजवादबाट मात्र हुन्छ भनेर प्रतिवादन गरेको त्यसबेलाको विचारमा आज सबै अटाउन सक्नु नै उहाँको विचार कालजयी हुनु हो,’ लेखकले भने, ‘लोकतन्त्रमा विश्वास नगर्ने कम्युनिस्टहरूलाई पनि लोकतन्त्रमा विश्वास गर्ने अवस्था बनायौं । त्यही भएर बीपीले प्रतिपादन गरेको कांग्रेसको विचारले सबै विचारलाई जितेको छ ।