सौरेन्द्र बहादुर शाह

संसारभर कच्चा तेलको भाउ बढ्दो क्रममा छ । यही कारण, पेट्रोल, डिजेल र खाना पकाउने ग्यासको मूल्य बढेको छ । सन् २०१९ ताका नेपालमा पेट्रोलको मूल्य १०८–११० रुपैयाँ थियो भने हालै १३६ रुपैयाँ पुग्यो । त्यस बेला डिजेल प्रतिलिटर ९७ रुपैयाँ थियो भने अहिले लिटरकै ११९ रुपैयाँ पुगेको छ । साथै खाना पकाउने ग्यासको मूल्य १३५० बाट बढेर १५७५ रुपैयाँ पुगेको छ । पेट्रोल, डिजेल र खाना पकाउने ग्यासको मूल्य बढेपछि उपभोक्ता, व्यवसाय र समग्र अर्थतन्त्रमा नकारात्मक असर पर्न जान्छ । पुनः खुल्दै गएको विश्व अर्थतन्त्र, विशेष गरी वैदेशिक भ्रमण र निर्माण कार्यमा गत वर्षभन्दा तीव्रता आउँदा तेल आपूर्ति सोअनुसार बढेको छैन ।