आठ किलो चाँदीसहित सुनका गहना बरामद
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
भैरहवा — प्रहरीले भन्सार छलेर मुलुक भित्र्याइएका ८ किलो चाँदीसहित ७ तोला सुनका गहना बिहीबार साँझ बरामद गरेको छ । रुपन्देहीस्थित इलाका प्रहरी कार्यालय धकधहीबाट खटिएको टोलीले रोहिणी गाउँपालिका–७, बाट उक्त परिमाणका विभिन्न थरी गहना बरामद गरेको जिल्ला प्रहरी कार्यालय प्रमुख प्रहरी उपरीक्षक रञ्जितसिंह राठौरले जानकारी दिए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![आठ किलो चाँदीसहित सुनका गहना बरामद](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/fffffffffffffffff-0572024010728-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
उनका अनुसार युपी५६एडी ८०३६ नम्बरको मोटरसाइकलमा भारतको महाराजगन्ज जिल्ला नौतनुवास्थित कुरहवाका उपेन्द्र बर्मालाई जाँच गर्नेक्रममा उनीबाट ७ तोला १० लाल ७ प्वाइन्ट सुनका गहना, साठे ८ किलो चाँदीका विभिन्न गहना र पित्तलजस्तो पहेँलो धातुबाट बनेका गहना बरामद गरिएको हो । प्रारम्भिक अनुसन्धानबाट भारतमा गहना बनाएर नेपाल भित्र्याइएको आशंकामा छानबिन अगाडि बढाइएको उनले बताए ।
प्रहरीले पक्राउ गरेका मोटरसाइकल चालक र उनीबाट बरामद सामग्रीलाई आवश्यक कारबाहीका लागि शुक्रबार भैरहवा भन्सार कार्यालय बुझाइएको जनाएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)