डाँका-चोरी मुद्दाका फरार प्रतिवादी पक्राउ गर्न गएको प्रहरी र स्थानीयबीच झडप
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
नेपालगन्ज — बाँकेको डुडुवा गाउँपालिका–६ सिख्खन पुरुवामा ११ वर्षदेखि फरार डाँका-चोरी मुद्दाका प्रतिवादीलाई पक्राउ गर्न गएको प्रहरी टोली र स्थानीयबीच झडप भएको छ ।
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
डाँका चोरी मुद्दामा फरार सिख्खन पुरुवाका ५५ वर्षीय सन्नाम भनिने सरमानसिंह सरदारलाई पक्राउ गर्न गएको प्रहरी टोलीमाथि बिहीबार बिहान स्थानीयवासीले ढुंगामुढा गरेका थिए ।
सरमानसिंह सरदारलाई २०७० असार १८ गते जिल्ला अदालतले ६ वर्ष सजाय र १२ हजार जरिवाना तोकेको थियो ।
सरदारलाई पक्राउ गरेर ल्याउने क्रममा गाडीमा स्थानीयले ढुंगामुढा गरेर भगाउन खोजेपछि प्रहरीले तीन राउण्ड गोली चलाएको जिल्ला प्रहरी कार्यालय बाँकेका सूचना अधिकारी प्रहरी नायब उपरीक्षक (डीएसपी) नारायण डाँगीले बताए ।
उनका अनुसार गोली लागेर चोरी मुद्दाका फरार प्रतिवादी सरदार र अर्का प्रहरीको हतियार खोस्ने स्थानीय ३० वर्षीय नानक सिंह सेख रहेका छन् । स्थानीयको इँट्टा प्रहारबाट वरिष्ठ प्रहरी हवलल्दार मदन डाँगी गम्भीर घाइते भएको डीएसपी डाँगीले जानकारी दिए । तीनै जना घाइतेलाई उपचारका लागि भेरी अस्पताल नेपालगन्जमा ल्याइएको छ ।
बाँकेका प्रहरी प्रमुख प्रहरी उपरीक्षक (एसपी) तुलबहादुर कार्कीको कमान्डमा प्रहरी टोली सरदारलाई पक्राउ गर्न बिहीबार बिहानै सिख्खन पुरुवा पुगेको थियो ।
![](https://assets-cdn.ekantipur.com/uploads/source/ads/900-x-100-0172024023126.gif)