जंगली च्याउ खाएर एकै परिवारका ७ जना बिरामी  

मंगलीमाया स्याङ्तान र बुद्ध स्याङ्तानको हेटौंडा अस्पतालमा उपचार भइरहेको छ भने अन्य ५ जनालाई थप उपचारका निम्ति भरतपुर पठाइएको जिल्ला प्रहरी कार्यालय हेटौंडाले जनाएको छ । बुधबार मंगलीमाया स्याङ्तानले जंगली च्याउ खोजेर ल्याएर पकाएकी थिइन् ।

जंगली च्याउ खाएर असार महिनामा मकवानपुरको राक्सिराङ र कैलाश गाउँपालिकाका एक बालकसहित ३ जना मृत्यु भइसकेको छ । जंगली च्याउ खाएर असार महिनाको १९ गतेसम्म मकवानपुरको राक्सिराङ,कैलाश, मकवानपुरगढी, बकैया र भीमफेदी गाउँपालिकामा गरेर २९ जना बिरामी भइसकेका छन् ।