पूनम खेत्रपाल सिंह

कोभिड–१९ महामारीले दक्षिणपूर्वी एसिया क्षेत्र तथा विश्वभरिका मानिसहरू बाँचिरहेको र कार्यरत स्थानको असमान प्रणालीलाई उजागर गरिदियो । विश्वभरि, करिब ९० प्रतिशत मानिसले प्रदूषित हावामा सास फेरिरहेका छन्, जसका कारण हरेक वर्ष दक्षिणपूर्वी एसिया क्षेत्रका २४ लाख मानिसले ज्यान गुमाइरहेका छन् । असुरक्षित, अस्वास्थ्यकर तथा अस्थायी खाद्य प्रणालीका कारण लाखौं व्यक्तिको अकालमै मृत्यु भइरहेको छ । नसर्ने रोगहरू र जलवायु परिवर्तन तथा एन्टिमाइक्रोबियल प्रतिरोध हाल मानव जातिले भोगिरहेका सबैभन्दा ठूला स्वास्थ्य जोखिमका कारक हुन् ।