नाडामा टाटाका तीन गाडी सार्वजनिक
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — टाटा मोटर्स प्यासेन्जर भेहिकलले नाडा अटो सोमा तीन वटा गाडीहरु सार्वजनिक गरेको छ । टाटा टियागो ईभी, टाटा नेक्सन इभी एक्स जेड प्लस र टाटा पन्च सार्वजनिक गरिएको कम्पनीले जनाएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![नाडामा टाटाका तीन गाडी सार्वजनिक](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/tiago-image-1292023035635-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
टाटा मोटर्सको नेपालका लागि एकमात्र आधिकारिक वितरक सिप्रदी ट्रेडिङले यी गाडीहरु बजारमा सार्वजनिक गरेको हो । टियागो ईभीको सुरुवाती मूल्य २१ लाख ९९ हजार रुपैयाँ तोकिएको छ । त्यस्तै नेक्सन ईभी एक्स जेड प्लसको सुरुवाती मूल्य २६ लाख ९९ हजार र पन्चको सुरुवाती मूल्य ३३ लाख ९९ हजार रुपैयाँ तोकिएको छ ।
‘क्रुज कन्ट्रोल सहितको टियागो ईभीमा अत्याधुनिक टेलिम्याटिक्स, कन्ट्रयास्ट रुफ, पूर्ण स्वचालित क्लाइमेट कन्ट्रोल, प्रोजेक्टर अटो हेडल्याम्प लगायत विशेषताहरु छन्’ कम्पनीले भनेको छ ‘यो गाडीको इन्टेरियर आरामदायी तथा एक्स्टेरियर आकर्षक रहेको छ ।’
अर्को गाडी नेक्सन ईभी एक्स जेड प्लसको ब्याट्री क्षमता ४०.५ किलोवाट र रेञ्ज ४५३ किलोमिटर रहेको कम्पनीले दाबी गरेको छ । ‘अत्याधुनिक जिपट्रन प्रविधि भएको यस एसयूभीको बनावट आकर्षक रहेको छ’ कम्पनीले भनेको छ ‘सुरक्षाको लागि यसमा एन्टी–लक ब्रेकिङ्ग सिस्टम, चाइल्ड सेफ्टी लक, ट्रयाक्सनजस्ता व्यवस्था छन् ।’ नयाँ सोच र प्रविधिमा आधारित टाटा पन्चले ग्राहकहरुको बदलिादो चाहनालाई पूर्ति गर्ने कम्पनीको भनाइ छ ।