नौबिसे–नागढुंगा सडक

नागढुंगा–नौबिसेमा १२ घन्टासम्म जाम, यात्रुलाई चरम सास्ती

दसैं नजिकिदैं गर्दा राजधानी प्रवेश गर्ने र बाहिरिने प्रमुख सडकको नागढुंगा–नौबिसे खण्डमा यात्रुले आवागनममा सास्ती भोगिरहनु परेको छ । सडक जाम हुँदा उपचार नपाएर एम्बुलेन्समा चल्न नपाएर बिरामीको ज्यानसमेत गएको छ ।

नौबिसे–नागढुंगा सडक मर्मत : जामका कारण काखमै गुम्यो छोरा

कति बेला उनले छोरालाई काखमा सुताउँथिन् । कति बेला पछ्यौरीले गुटुमुटु पार्थिन् । कति बेला भोकप्यास लागे–नलागेको सोध्थिन् । मिर्गौलाको उपचारका लागि छोरालाई काठमाडौं लैजाँदै गरेकी रौतहटको गरुडा नगरपालिका ८ की सिर्जनदेवी साहले बिहीबार राति बसमा आँखा झिम्म पनि गर्न पाइनन् । बिरामी छोरालाई लिएर काठमाडौं हिँडेकी उनले जामका कारण हस्पिटलसमेत पुर्‍याउन पाइनन् । काखको काखमै छोरा गुमाउनुपर्‍यो ।

नौबिसे–नागढुंगा सडक मर्मत : सवारी जामले बिरामीको बाटोमै मृत्यु 

सवारी जामले रौतहटबाट उपचारका लागि काठमाडौं जाँदै गरेका बिरामीको मृत्यु भएको छ । रौतहटको गरुडा ८ निवासी ३५ वर्षका रुपलाल साहको पृथ्वीराजमार्गस्थित महादेवबेंसी बजारमा जाममा परेको बेला बिहान ५ बजे मृत्यु भएको आफन्तले बताएका छन् । बिरामी ना ७ ख ५३६४ नम्बरको गाडीमा चढेरका थिए ।

नौबिसे–नागढुंगा सडक मर्मतको असर : ३० किमिसम्म सवारी जाम

गत असारमै सक्नुपर्ने नौबिसे–नागढुंगा सडक मर्मतको काम बल्ल सुरु गरिएको छ । मर्मतको जिम्मा पाएको चितवनस्थित ठेकेदार कम्पनी जीएमआरले सडक मर्मत दसैंको चहलपहल सुरु हुने बेलामा सुरु गरेको हो । मर्मतका कारण उक्त सडक खण्डको धादिङतर्फ ३० किलोमिटरसम्म सवारी जाम हुने गरेको छ । 

दसैं नजिकिएसँगै नौबिसे–नागढुंगा सडक 'टालटुल', मर्मतका कारण घण्टौं लामो जाम

वर्षका ११ महिना सुतेर बस्ने चितवनस्थित ठेकेदार कम्पनी जीएमआर यतिबेला भने नौबिसे–नागढुंगा सडक मर्मत गर्दैछ । गत असार मसान्तमै बिग्रेको सडक मर्मत गरिसक्नुपर्ने उक्त कम्पनीले दसैं अगावै दैनिक उपभोग्य सामाग्री राजधानी भित्रिने बेला मर्मतमा जुटेको छ । 

नौबिसे–नागढुंगा ‘नो ओभरटेक जोन’

चाडपर्वलाई लक्ष्य गरेर नौबीसे–नागढुंगा सडकलाई ‘नो ओभरटेक जोन’ घोषणा गरिएको छ । उकालो र मोडहरूमा मालवाहक सवारी ढिलो गुड्ने भएकाले जामका बेला पनि साना सवारीले ओभरटेक गरेर उल्टै थप जाम गर्ने भएपछि यो १५ किमि दूरीलाई पहिलो पटक ‘नो ओभरटेक जोन’ भनेर लेन अनुशासनमा कडाइ गरिएको हो ।
ADVERTISEMENT

नौबिसे–नागढुंगा सडक मर्मतले रातभरि सडकमै

नसासम्बन्धी रोगको उपचार गर्न मंगलबार बुटबल खैरहनीबाट हिँडेका ७३ वर्षीय भीमलाल भण्डारी बुधबार बिहानसम्म काठमाडौं आइपुगेका थिएनन् । बिहान करिब ५ बजे उनी नौबिसे–नागढुंगा उकालोको झयाप्ले खोलामा थिए ।

नौबिसे–नागढुङ्गमा खारिँदै ठूला मोड

त्रिभुवन राजपथको नौबिसे खण्डको सवारी जामले राजधानी प्रवेश गर्ने यात्रुले हैरानी बेहोर्नुपरेको छ । यही हैरानी अन्त्यका लागि डिभिजन सडक कार्यालयले यहाँका साँघुरा र ठूला मोड खारेर फराकिलो बनाइरहेको छ ।