बालुवाटार जग्गा प्रकरण

बालुवाटार जग्गा प्रकरण- यस्तो थियो माधव नेपाल मन्त्रिपरिषद्को निर्णय

नापी कार्यालयको रेकर्डअनुसार बालुवाटारस्थित साविक नगरको २३ क्ष – कित्ता नम्बर ७६ को जग्गा पर्ती हो । २ रोपनी १२ आना क्षेत्रफलको उक्त जग्गा नयाँ नापीअनुसार सिट नम्बर १०२५–१४ अन्तर्गत ३८, १२ र २१ नम्बर कित्तामा बाँडिएको छ । त्यसमा समेत पर्ती रहेको जनाइएको छ । 

‘बालुवाटारमा अरु धेरैको पैसा छ’

बालुवाटारस्थित ललिता निवासको २९९ रोपनी जग्गा गैरकानूनी रुपमा व्यक्तिको नाममा दर्ता गरेको आरोप खेपेका योजनाकार डा. शोभाकान्त ढकालले त्यो जग्गामा चर्चामा आए बाहेक अरु व्यक्तिहरुको समेत लगानी भएको बताएका छन् ।

बालुवाटार जग्गामा लेनदेन : शोभाकान्त ढकाल र उनकी भान्जीबुहारी शान्ता खनालबीचको लेनदेन विवादको अडियो रेकर्डबाट खुले नयाँ तथ्य

बालुवाटारको २ सय ९९ रोपनी जग्गा गैरकानुनी रूपमा व्यक्तिका नाममा दर्ता गर्ने ‘योजनाकार’ शोभाकान्त ढकालले जग्गा मिलाउने क्रममा ठूलो रकम खर्च भएको खुलासा गरेका छन् । नातेदारसँगको लेनदेन विवादका क्रममा रेकर्ड भएर हाल सर्वोच्च अदालत पुगेको अडियोमा उनले आफूले सापटी लिएको रकमसमेत त्यही जग्गा मिलाउन खर्च भएको बताएका छन् ।

बालुवाटार जग्गा अनियमितता : न्यायाधीशसँग बयान

अख्तियार दुरुपयोग अनुसन्धान आयोगले ललिता निवास जग्गा अनियमितता प्रकरणमा मुछिएका जिल्ला अदालत चितवनका न्यायाधीश विनोदकुमार गौतमसित बयान लिएको छ । अनुसन्धान अधिकृतहरूको टोलीले बुधबार उनलाई न्यायपरिषद् सचिवालयमा बोलाई बयान लिएको हो ।

बालुवाटार जग्गा विवाद : प्लटिङकै लागि प्रधानमन्त्री निवास विस्तार

बालुवाटारस्थित ललिता निवासको जग्गा झुक्याएर व्यक्तिका नाममा दर्ता गरेपछि त्यसमा बाटो पुर्‍याउन तत्कालीन सरकारले प्रधानमन्त्री निवास विस्तारको योजना बनाएको रहस्य खुलेको छ । त्यस क्रममा सभामुख निवासको पर्खालसमेत भत्काइएको र मोहीका नाममा सरकारी जग्गा नै व्यक्तिलाई नामसारी गरिएको हो ।

बालुवाटार जग्गा प्रकरण : लाखमा किनेर करोडमा बिक्री

त्रिताल प्रतिवेदनले ‘भूमाफिया’ किटान गरेका शोभाकान्त ढकाल र रामकुमार सुवेदीले बालुवाटारस्थित ललिता निवासको सरकारी जग्गा प्रतिरोपनी आठ लाख रुपैयाँ खर्च गरेर झन्डै एक करोडका दरले बेचेको भेटिएको छ ।
ADVERTISEMENT

बालुवाटार जग्गा अनुसन्धान गर्ने डीएसपी सरुवा

बालुवाटारस्थित ललिता निवासको जग्गा कब्जाबारे छानबिनमा संलग्न केन्द्रीय अनुसन्धान ब्युरोका डीएसपी कविद् कटुवालको सरुवा भएको छ । उनलाई रौतहटको इलाका प्रहरी कार्यालय चन्द्रनिगाहपुर पठाइएको हो ।

बालुवाटार जग्गा प्रकरण : आधामा नक्कली मोही, बाँकीमा किर्ते 

बालुवाटारस्थित ललिता निवासको सरकारी जग्गा व्यक्तिका नाममा दर्ता गर्ने क्रममा उच्च पदस्थ सरकारी अधिकारीहरू नै नक्कली मोही र किर्ते कागजात बनाउने क्रममा संलग्न रहेको भेटिएको छ । उनीहरूले मोही नै नलाग्ने जग्गामा मोही खडा गरेको र सरकारी हुनुपर्ने बाँकी जग्गासमेत व्यक्तिका नाममा दर्ता गरेको पाइएको हो । 

बालुवाटार जग्गा प्रकरणमा दोषी ठहरिए जुनसुकै सजाय भोग्न तयार छु : पौडेल

नेकपाका महासचिव विष्णु पौडेलले ललिता निवास जग्गा प्रकरणमा दोषी ठहरिए जुनसुकै सजाय भोग्न आफू तयार रहेको बताएका छन् । संघीय संसदको दुवै सदनको स‌ंयुक्त बैठकमा प्रस्तुत गरिएको सरकारको आगामी आर्थिक वर्ष २०७६/०७७ को नीति तथा कार्यक्रममाथिको छलफलमा बोल्दै नेता पौडेलले ललिता निवास जग्गा प्रकरणको यथार्थ छानबिनको लागि माग समेत गरेका छन् ।

बालुवाटार जग्गा प्रकरणमा सञ्चारमन्त्री भन्छन्, 'चारतारे, लालतारे कसैलाई छोडिन्न'

सञ्चार तथा सूचना प्रविधिमन्त्री गोकुल बाँस्कोटाले बालुवाटारको जग्गा प्रकरणमा जोडिएका चारतारे, लालतारे जो भए पनि सत्य प्रमाण देखिए कारबाही गरिने बताएका छन् । मन्त्रिपरिषद्को निर्णय सार्वजनिक गर्न बिहीबार सिंहदरबारमा आयोजित नियमित पत्रकार सम्मेलनमा मन्त्री बाँस्कोटाले नेकपा, नेपाली कांग्रेस जुनसुकै पार्टीका नेता वा पूर्वमन्त्री जोसुकै जोडिए पनि दोषी देखिए कारबाही गर्ने दृढता व्यक्त गरेका हुन् ।

बालुवाटार जग्गा प्रकरणमा देउवाको संलग्नता भए कारबाही हुनुपर्छ : प्रकाशमान सिंह

कांग्रेसका नेता प्रकाशमान सिंहले बालुवाटार जग्गा प्रकरणमा कांग्रेस सभापति शेरबहादुर देउवा दोषी देखिए उनलाई पनि कारबाही हुनुपर्ने बताएका छन् ।

‘बालुवाटार जग्गाबारे बोल्नुपर्‍यो’

सत्तारूढ नेकपा सचिवालयको अनौपचारिक बैठकमा बालुवाटारको सरकारी जग्गा अतिक्रमणबारे पार्टीको धारणा प्रस्ट पार्न नेताहरूले आग्रह गरेका छन्  ।

बालुवाटार जग्गा प्रकरण : अख्तियारका चार पूर्वपदाधिकारीको मिलेमतो 

बालुवाटारको सरकारी जग्गा व्यक्तिका नाममा दर्ता भएको प्रकरणमा अख्तियार दुरुपयोग अनुसन्धान आयोगका चार पदाधिकारीको मिलेमतो एवं संलग्नताको प्रमाण कान्तिपुरले फेला पारेको छ । करिब डेढ दशकको अवधिमा अख्तियारको नेतृत्व गरेका तीनसहित चार पदाधिकारीले त्यस प्रकरणको उजुरीलाई अनुसन्धान नगरी असफल बनाएका हुन् । 

बालुवाटार जग्गा प्रकरण : अख्तियारका पूर्वप्रमुख आयुक्त बस्न्यातको संलग्नता

बालुवाटारको सरकारी जग्गा व्यक्तिका नाममा दर्ता गर्ने प्रक्रियामा अख्तियार दुरुपयोग अनुसन्धान आयोगका पूर्वप्रमुख आयुक्त दीप बस्न्यातको निर्णायक भूमिका रहेको भेटिएको छ ।

बालुवाटार जग्गा प्रकरणबारे सरकारका प्रवक्ताले भने - ‘अनुहार हेरेपछि चिनेको पर्ला, नहेरी कारबाही हुन्छ’

सञ्चार तथा सूचना प्रविधिमन्त्री तथा सरकारका प्रवक्ता गोकुल बाँस्कोटाले ललिता निवासको जग्गाका सम्बन्धमा कुनै पद तथा ओहादाले छानविन प्रक्रिया नरोकिने बताएका छन् । जग्गामा जोसुकै मुछिएको भएपनि कारबाही गरेरै छाड्ने दाबी गरे । सरकारले आफ्नो काम गरी सकेको छ ,जग्गा रोक्का राखिसकेको छ,’ उनले भने,‘ आवश्यक कारबाही हुन्छ । सरकारी सम्पत्तिको रक्षा सरकारले गर्छ ।’ 

बालुवाटार जग्गा प्रकरण  : आयुक्त शाह जसले बालुवाटारको पर्खाल नै सारे

निर्वाचन आयुक्त सुधीरकुमार शाहसमेत ललिता निवासको जग्गा अतिक्रमणमा संलग्न रहेको देखिएको छ । पूर्वसचिव त्रिताल समितिको प्रतिवेदनअनुसार भक्तपुरका तत्कालीन मालपोत अधिकृत शाहले २०४९ मा ललिता निवासको २ रोपनी जग्गा श्रीमती उर्मिलाका नाममा खरिद गरेका थिए । उक्त जग्गा पहिला प्रधानमन्त्री निवास परिसरभित्र थियो ।

बालुवाटार जग्गा प्रकरण : अख्तियारभित्रै सेटिङ प्रयास 

बालुवाटारस्थित ललिता निवासको जग्गा कानुनविपरीत व्यक्तिका नाममा दर्ता गरिएको विषयमा छानबिन प्रभावित पार्न खोजेको पुष्टि भएपछि अख्तियार दुरुपयोग अनुसन्धान आयोगले एक महाशाखा प्रमुखलाई ‘अघोषित कारबाही’ गरेको छ । अख्तियारले अनुसन्धान महाशाखाका प्रमुख हरिप्रसाद जोशीलाई महान्यायाधिवक्ता कार्यालयमा फिर्ता पठाएको हो ।

'बालुवाटार विवरणमा एकोहोरो दोषारोपण'

कान्तिपुरमा मंगलबार प्रकाशित ‘प्रधानमन्त्री र प्रधानन्यायाधीश निवासकै जग्गा व्यक्तिका नाममा’ शीर्षक समाचारप्रति मेरो ध्यानाकर्षण भएको छ  । समाचारका अधिकांश तथ्यप्रति मेरो विमति छैन  ।

बालुवाटार व्यक्तिको नाममा

‘प्रधानमन्त्री र प्रधानन्यायाधीश निवासकै जग्गा व्यक्तिका नाममा’ भनी प्रकाशित समाचार पढेपछि कहीं नभएको जात्रा हाँडीगाउँमा भन्ने लोकोक्तिको याद आयो  । एउटाका नाममा लिखत दर्ता भएका तर बसोबास गर्ने व्यक्ति अन्य भएका भन्ने जनगुनासा राजधानी वा जिल्ला–जिल्लामा छयापछ्याप्ती सुनिने गरेका भए पनि बडो टिठलाग्दो तितो तर सत्य कुराबारे यो समाचार पढेपछि यथार्थ खुलस्त भयो  ।