फूलमा मौरी डुल्ने बेलामा...[तस्बिरहरु]

उपत्यकाका सडकहरूमा प्रुनस प्रसिका, प्रुनस सेरासोइड (पैयुँ), प्रुनस सेर्सीफेराका विभिन्न उपप्रजाति रोपिएका छन् । यी प्रजातिहरु व्यवसायिक रूपमा उत्पादित छन् । वसन्त ऋतुलाई फूल फुल्ने मौसमका रुपमा लिइन्छ । शिशिर र ग्रीष्म ऋतुको बीचमा आउने वसन्त ऋतुको आगमनसँगै जताततै हरियालीका र फूलहरु फुलेका देखिन्छन् । न त धेरै गर्मी न त धेरै जाडो हुने वसन्त ऋतुलाई प्रकृतिले काँचुली फेरेको ऋतुको रुपमा लिइन्छ । उजाड प्रकृतिलाई यो ऋतुले फक्राइदिन्छ ।

राजधानीको भृकुटीमण्डम, नक्साललगायतका विभिन्‍न ठाउँमा चेरीका फूल फुलेका छन् । फूल फुलेका ठाउँमा मानिसहरु तस्बिर खिच्न, टिकटक बनाउन झुम्मिरहेका देखिन्थे ।