नेपाल-श्रीलंका परराष्ट्रमन्त्रीस्तरीय संयुक्त आयोग बैठक : कोलम्बो-लुम्बिनी उडानबारे छलफल

आयोगको बैठक जारी हुनुअघि दुवै परराष्ट्रमन्त्रीहरूबीच ‘वान टु वान’ भेटवार्ता भएको थियो । बैठकमा कोलम्बो-लुम्बिनी सिधा हवाई सेवा बारेमा छलफल गर्ने पनि उल्लेख छ । बैठक अहिले जारी छ । साथै, नेपालले श्रीलंकामा थुनामा रहेका तीन नेपालीहरूलाई छुटाउनका लागि पनि कुरा राख्नेछ ।

दुवै मुलुकले जलवायु परिवर्तनको क्षेत्रमा आफ्ना अनुभव आदान–प्रदान गर्नेछन् । परराष्ट्र मन्त्रालयको अनुसार बिहीबारै दुई मुलुकबीच विज्ञान, प्रविधि र नवप्रवर्तनको क्षेत्रमा सहयोगसम्बन्धी समझदारीपत्रमा हस्ताक्षर हुने उल्लेख छ ।