एलआरआई र रेडियन्ट बास्केटबल च्याम्पियन

आयोजक ज्ञानोदय बालबाटिकाको ५० औं वार्षिकोत्सवको उपलक्ष्यमा आयोजित प्रतियोगिताको ब्वाइज फाइनलमा एलआरआईले पुष्पसदनलाई ६९–५३ स्कोरले हरायो । एलआरआईको जितमा मन्दीप गुरागाईंले ३५ स्कोर गरे ।

दिव्यान्शा कार्कीको २५ स्कोरमा रेडियन्टले रिब्सलाई ३८–२८ ले हरायो । फाइनलका सर्वाधिक स्कोरकर्ताद्वय मन्दीप र दिव्यान्शा आ–आफ्नो विधामा मोस्ट भ्यालुएबल प्लेयर घोषित भए ।

विजेतालाई भिक्टर शम्शेर राणा, ज्ञानोदयकी संस्थापक प्रिन्सिपल इन्दिरा याक्थुम्बा, ज्ञानोदयका भाइस प्रिन्सिपल भानु एलगायतले पुरस्कृत गरे । ११ दिने प्रतियोगिताको ब्वाइजमा १७ र गर्ल्समा १५ टिमले लिगकम नकआउट आधारमा प्रतिस्पर्धा गरेका थिए ।