पूर्वी नवलपरासी — गिरुबारीमा ३८ वर्षदेखि खेलाइँदै आएको युनाइटेड गोल्डकप फुटवल शुक्रबार सुरु हुनेछ । हुप्सेकोट–३ स्थित सरस्वती माविमा हुने प्रतियोगितामा २० क्लबले प्रतिस्पर्धा गर्नेछन् ।
संयोजक हरि थापाका अनुसार विजेताले २ लाख ५० हजार र उपविजेताले १ लाख ५० हजार रुपैयाँ पुरस्कार प्राप्त गर्नेछन् । सेमिफाइनल पराजित दुई टिमलाई २० हजार दिइने छ ।
यसअघिका प्रतियोगितामा एउटै टिममा धेरै विदेशी खेलाडीको सहभागिता रहेकाले यसपालि एक टिमले बढीमा ३ मात्रै विदेशी खेलाउन पाउने नियम बनाइएको थापाले बताए । तिजको अवसरमा प्रतियोगिता हुँदै आएको हो ।