कांग्रेस सभापति देउवाको धनगढीस्थित घरअगाडि शंकास्पद वस्तु 

धनगढी उपमहानगरपालिका–४ कर्मचारी सञ्चय कोषनजिकै रहेको देउवाको घरअगाडि शनिबार मध्यराति झोलामा राखिएको शंकास्पद वस्तु फेला परेको जिल्ला प्रहरी कार्यालय कैलालीका प्रवक्ता कवीन्द्रसिंह बोहराले बताएका छन् ।

जानकारी पाउनेबित्तिकै राति नै तेघरी ब्यारेकबाट सेनाको टोली घटनास्थलमा खटिएको र आइतबार बिहानै सेनानीको नेतृत्वमा रहेको बम डिस्पोजल टोलीले उक्त वस्तु निष्क पार्ने क्रममा रहेको प्रहरी प्रवक्ता बोहराले बताएका छन् ।

झोलाभित्र के थियो भन्ने अनुसन्धान भइरहेको कैलालीका प्रमुख जिल्ला अधिकारी धर्मेन्द्रकुमार मिश्रले बताए । सभापति देउवाको घरमा उनका भतिजा एवं सुदूरपश्चिम प्रदेशसभाका सदस्य प्रकाश देउबा बस्दै आएको प्रहरीले जनाएको छ ।