भन्सार छली गरेको आरोपमा १२ लाख बराबरको सामान बरामद

भन्सार छली गरेर बिलभरभाई बिनै सामान ल्याउँदै गरेको सुराकीको आधारमा प्रहरीले कावासोतीको फलफुल चोकमा सवारी जाँच गर्दा उक्त सामान बरामद गरेको हो ।

जिल्ला प्रहरी कार्यालय पूर्वी नवलपरासीका डीएसपी बेदबहादुर पौडेलका अनुसार विभिन्न २० प्रकारको सामान बरामद गरेको हो । बरामद भएको सामानमा पित्तलका सामान, मोबाइलका पार्टस्, स्मार्ट वाच, चस्मा, क्रिम लगायतका सामान रहेका छन् ।

बरामद भएको सामानको मूल्य एघार लाख एकहत्तर हजार चार सय रुपैयाँ कायम गरेर पश्चिम नवलपरासीको भन्सार कार्यालय महेशपुर पठाइएको छ ।