मधेश प्रदेशमा थपिए पाँच राज्यमन्त्री

एमालेका मोहम्मद जैद आलमलाई भौतिक पूर्वाधार विकास राज्यमन्त्री, लोसपाका रामबाबु यादवलाई शिक्षा तथा संस्कृति राज्यमन्त्री र जनमतका शम्भूकुमार साहलाई उद्योग, वाणिज्य तथा पर्यटन राज्यमन्त्रीमा पद तथा गोपनियताको शपथ लिएका हुन् । कांग्रेसको तर्फबाट रेखा ठाकुर भूमि व्यवस्था, कृषि तथा सहकारी राज्यमन्त्री र निलमकुमारी रजकलाई उर्जा, सिँचाई तथा खानेपानी राज्यमन्त्रीको शपथ लिएका छन् ।

मधेशमा ५ राज्यमन्त्री थपिएपछि २० सदस्यीय मन्त्रिपरिषद् बनेको छ । यसअघि मुख्यमन्त्रीसहित १२ मन्त्री र ३ राज्यमन्त्रीमात्रै थिए ।