काठमाडौँ — सेयर कारोबार मापक नेप्से परिसूचक ७९.८८ अंकले घटेको छ । आइतबार २ दशमलव ६८ प्रतिशतले घटेर नेप्से २८९४.५७ विन्दुमा बन्द भएको छ । ५९ कम्पनीको मूल्य बढ्दा १८५ कम्पनीको मूल्य घटेको छ ।
साताको पहिलो दिन २ लाख १८ हजार ५७८ पटक सेयर किनबेच हुँदा १९ अर्ब ७४ करोड ५ लाख रूपैयाँ बराबरको सेयर कारोबार भएको छ । आइतबार कुल ४ करोड २६ लाख ८६ हजार ८४० कित्ता सेयर किनबेच भए ।
कुल १३ उपसमुहमध्ये लघुवित्त उपसमुह मात्रै बढ्यो । लघुवित्त उपसमुह ५८.४० अंकले बढ्यो । घट्ने उपसमुहहरुमा जीवन बिमा ३६९.४१ अंकले अघि रह्यो । निर्जीवन बिमा ३२८.९६, होटल तथा पर्यटन १७७.५० , विकास बैंक १४५.१७ र फाइनान्स १३९.३३ अंकले घट्यो ।
कारोबार रकमको आधारमा अपि पावर कम्पनी, हिमालयन रिइन्स्योरन्स, साइन रेसुंगा विकास बैंक अघि रहे । अपि पावर कम्पनीको ८४ करोड ६८ लाख रुपैयाँ सेयर कारोबार भएको छ । हिमालयन रिइन्स्योरन्सको ७३ करोड ४३ लाख रुपैयाँ र साइन रेसुंगा विकास बैंकको ५१ करोड ९६ लाख रुपैयाँको सेयर कारोबार भएको छ ।
प्रकाशित : भाद्र ९, २०८१ १५:३४