गृह जिल्लामा सम्झना सम्मानित

उनलाई संघको साधारणसभामा जयपृथ्वी नगरपालिकाका प्रमुख चेतराज बजाल र बझाङ क्रिकेट संघका अध्यक्ष प्रविन्द्र धामीले क्रिकेट किट प्रदान गरेर सम्मान गरे । एसिया कप क्रिकेटमा नेपालले यूएईलाई पराजित गर्दा सम्झनाले अर्धशतकीय बनाएकी थिइन् ।

२४ वर्षीया सम्झनाले अविजित ७२ रन बनाएकी थिइन् । ‘बझाङलाई चिनाउन सम्झनाले क्रिकेटमार्फत पुर्‍याएको योगदान अतुलनीय छ,’ उनले भने, ‘नगरपालिकाले उनको सम्मानमा छिटै अभिनन्दन कार्यक्रम गर्न लागेको छ ।’

बझाङ क्रिकेटका अध्यक्ष धामीले सम्झनाको लगनशीलता र सफलताले बझाङमा क्रिकेटको सम्भावनाको अन्तराष्ट्रिय ढोका खोलेको बताउँदै क्रिकेटमा लाग्न चाहानेको लागि प्रेरणास्रोत बनेको बताए ।