अवार्डको साथमा अजोड

युनाइटेड अजोड यही भदौ २८ गते नेपाल एकेडेमी भवन कमलादीमा हुने पल्सर स्पोर्टस अवार्ड कार्यक्रममा सहप्रायोजकको रूपमा रहनेछ ।

मञ्चका सम्पूर्ण सदस्यहरूलाई जनही ५ लाखबराबरको स्वास्थ्य बिमा पोलिसी प्रदान गर्नेछ । यसका साथै कार्यक्रममा नगद सहयोग गर्ने मञ्चले जनाएको छ । शुक्रबार नेपाल खेलकुद पत्रकार मञ्च र युनाइटेड अजोडबीच प्रायोजन सम्झौता भएको हो । सम्झौतामा मञ्चका अध्यक्ष दुर्गानाथ सुवेदी र युनाइटेड अजोडका प्रमुख कार्यकारी अधिकृत श्रवण रावलले हस्ताक्षर गरे ।