यूएस ओपन २०२४ : गउफको जितसँगै उपाधि रक्षा अभियान सुरु

आर्थर ऐस स्टेडियममा यो जितका लागि २० वर्षीया गउफले ६६ मिनेट मात्र खर्चिन् । ओलम्पिक च्याम्पियन चिनिया खेलाडी झेङ छिनवेनले भने पहिलो चरणमा जितका लागि संघर्ष गर्नु पर्‍यो ।

उनले अमान्डा एनिसिामोभालाई ४–६, ६–४ र ६–२ ले हराइन् । पुरुषतर्फ पूर्व विजेता डोमिनिक थिएम पहिलो चरणमा पराजित भएका छन् र यससँगै उनको ग्रान्ड स्लाम टेनिस जीवनमा पूर्णविराम लागेको छ ।

सन् २०२० का विजेता थिएमले बेन सेल्टनविरुद्धको खेल ६–४, ६–२ र ६–२ ले गुमाए । उनले यो सिजनको अन्त्यसँगै सन्यास लिने घोषणा गरिसकेका छन् ।