काठमाडौँ — इन्टर मिलानले शनिबार राति इटालीको 'सिरी ए' को नयाँ सिजनमा पहिलो जित निकालेको छ । उसले सानसिरोमा लेचेलाई सजिलै २–० ले हराएको हो । एसी मिलान भने पार्माको हातबाट २–१ ले पराजित रह्यो ।
सानसिरोमा ७० हजार दर्शकअगाडि माटिओ डारमिनले पाँचौं मिनेटमा पहिलो गोल गरे । त्यसपछि हाकन चालहानोग्लुले पेनाल्टीबाट दोस्रो गोल थपे ।
इन्टरसँगै पार्मा र जेनोआको समान चार अंक रहेको छ । जेनोआले अर्को खेलमा मोन्जालाई १–० ले पराजित गर्यो । यस्तै युडिनेजी लाजियोविरुद्ध २–१ ले विजयी रह्यो ।
प्रकाशित : भाद्र ९, २०८१ ०६:३३