जिप दुर्घटनामा घाइते युवतीको मृत्यु

मंगलबार बिहान सुर्नया गाउपालिका–८ ढुंगाकोटमा सुदूरपश्चिम प्रदेश ०१००ज १३५४ नम्बरको जिप दुर्घटनामा परी गम्भीर घाइते भएकी महराको धनगढीमा उपचारकै क्रममा मृत्यु भएको आफन्तले जानकारी दिएका छन् । घाइतेमध्ये सबिनालाई थप उपचारका लागि डडेलधुरा अस्पतालबाट धनगढी रेफर गरिएको थियो । जिप दुर्घटना परी घाइते भएका अन्य चार जना डडेलधुरामा उपचारपछि घर फर्किसकेको जिल्ला प्रहरी कार्यालय बैतडीले जनाएको छ ।

उक्त दुर्घटनामा घाइते हुने जिप चालक सुर्नया गाउँपालिका–७ का लालबहादुर कुँवर, सुर्नया–८ का २१ वर्षीय कृष्ण मडै, सोही ठाउका ४५ वर्षीय मानबहादुर महरा र ४० वर्षीय धनबहादुर महरा रहेका छन । उनीहरु डडेल्धुरामा उपचार भएपछि घर फर्किएका हुन् ।

प्रहरीका अनुसार जिप सडकबाट २० मिटर तल खसेको थियो । जिप चालक लालबहादुर कुवरलाई दुर्घटनाको अनुसन्धानका लागि नियन्त्रणमा लिइएको प्रहरीले जनाएको छ ।