दार्चुला — दार्चुलासहित सुदूरपश्चिम प्रदेशका तीन जिल्लामा नेपाल टेलिकमका सेवा अवरुद्ध भएका छन् । शनिबार दिउसोदेखि इन्टरनेट र फोन सेवा अवरुद्ध भएको हो ।
सुदूरपश्चिमका दार्चुला, बैतडी र बझाङमा नेपाल टेलिकमको भ्वाइस सेवा र इन्टरनेट सेवा अवरुद्ध छन् । बैतडीको अनारखोलीमा अप्टिकल फाइबर ब्रेक भएपछि सेवा अवरुद्ध भएको नेपाल टेलिकमले जनाएको छ ।
टेलिकमको भ्वाइस सेवा र इन्टरनेट सेवा अवरुद्ध भएपछि हजारौं ग्राहक मारमा परेका छन् । टेलिकमको सेवा अवरुद्ध हुँदा सञ्चार सम्पर्क टुटेको धेरै ग्राहकले गुनासो गरेका छन् ।