रुपन्देही — रुपन्देहीमा वजन घटाउनका लागि अनलाइनबाट अर्डर गरेको औषधि ‘गार्सिनिया कम्बोजिया’ सेवनले तीन जना बिरामी परेका छन् ।
लुम्बिनी प्रादेशिक अस्पतालका वरिष्ठ फिजिसियन डा.नन्दु पाठकले बिरामीमध्ये एक जना दुई साताअघि, एक जना गत साता र एक जना आइतबार उपचार गराउन आएको बताए ।
‘उपचारका लागि आएका बिरामीहरूले उक्त औषधिको सेवन गरेको डेढ महिना बढी भइसकेको रैछ,’ उनले भने, ‘उक्त औषधिबारे अध्ययन गर्दा मलमा प्रयोग हुने रासायनिक पदार्थ ‘लिड’ मिसाएर बनाएको पाइएको छ ।’
जथाभावी औषधि खाँदा फोक्सो, मृगौलामा असर पर्ने उनले बताए । अनलाइनमा पाइने औषधि भनेर बेचिएका चिज चिकित्सकलाई नसोधी सेवन नगर्नसमेत उनले सुझाव छ ।
प्रकाशित : भाद्र १०, २०८१ ०९:५८