२१.१२°C काठमाडौं
बर्दिया — भारतीय सीमा नाकाको बजार बलैगाउँ हुँदै बर्दिया बढैयाताल गाउँपालिका–२ फुटाहामा लागूऔषध ब्राउन सुगरसहित सशस्त्र प्रहरीले दुई जनालाई पक्राउ गरेको छ ।
सशस्त्र प्रहरी बल, ३१ नम्बर गणअन्तर्गत बीओपी फुटाहाले उक्त पदार्थ फेला पारेको हो । बिहीबार बेलुकी नेपाल भारत सीमानामा चेकजाँच गर्दा करिब साढे ५ ग्राम उक्त पदार्थसहित दुई जनालाई नियन्त्रणमा लिएको हो ।
पक्राउ पर्नेमा कैलाली धनगढी नगरपालिका–३ का २६ वर्षीय मनोज ऐरी र बाँके खजुरा गाउँपालिका–९ का २७ वर्षीय नविन हमाल रहेको सशस्त्र प्रहरी उपरीक्षक चित्रांगत दाहालले बताए । उनीहरुबाट दुई थान मोबाइल र २ हजार ८ सय ३५ रुपैयाँ बरामद गरिएको उनले जनाए ।
पक्राउ परेकालाई नेपाल प्रहरीलाई कारबाहीका लागि पठाइएको छ । जिल्ला प्रशासन कार्यालयले भदौ महिनादेखि तीन महिने लागूऔषध विरुद्ध कारबाही सुरु गरपछि कारोबारी र सेवनकर्ता पक्राउ पर्न थालेको सशस्त्र प्रहरी उपरीक्षक दाहालले जनाए ।
प्रकाशित : भाद्र २७, २०८१ १९:४७
