३०.१२°C काठमाडौं
बर्दिया — शनिबार दिउँसो सशस्त्र प्रहरी गणको मुख्यालय, गुलरियामा सुनगोहोरो फेला परेको छ । सुनगोहोरो विश्वकै लोपोन्मुख प्रजाति हो ।
करिब एक वर्षको सुनगोहोरो फेला पारेपछि जिल्ला वन कार्यालयलाई बुझाइएको सशस्त्र प्रहरी उपरीक्षक जहरसिंह बूढाले बताए ।
उक्त गोहोरोको लम्बाइ १८ इन्च रहेको छ । संरक्षित सरीसृप प्रजातिको सुनगोहोरो नेपाल,बांग्लादेश र भारतमा पाइने गरेको वन कार्यालयले जनाएको छ ।
वन्यजन्तु मासु र छालाका लागि चोरीसिकार हुने गरेकोले सुनगोहोरो दुर्लभ बन्दै गएको हो । वन कार्यालयले उद्धार गरिएको सुनगोहोरोलाई सामुदायिक वनमा छाडिने जनाएको छ ।
प्रकाशित : श्रावण १४, २०७९ १७:१६
