सिन्धुली — मदन भण्डारी राजमार्ग अन्तर्गत सिन्धुलीको हरिहरपुरगढी गाउँपालिका-४ को हाक्पारामा पहिरो खस्दा मंगलबार बिहानबाट सडक अवरुद्ध बनेको छ । लेदो र ढुङ्गासहितको करिब ५० मिटर लामो पहिरो खसेकाले अवरुद्ध सडक खुल्न समय लाग्ने प्रहरीले जनाएको छ ।
पालिकाको सहयोगमा डोजर लगाएर पहिरो पन्छाउने काम भइरहेको छ । एउटा मेशिनले मात्र पहिरो हटाउन कठीन भएपछि अर्को ल्याउनका लागि कुरा भइरहेको ४ नं वडाका वडाध्यक्ष कमलकुमार राईले जानकारी दिए । सडक अवरुद्ध बनेपछि सयौं सवारी साधन बाटामै अलपत्र परेका छन् ।