पहिरोले खोटाङमा मध्यपहाडी लोकमार्ग अवरुद्ध

मंगलबार बिहान ३ बजेतिर झरेको पहिरोले यातायात अवरुद्ध भएको हलेसी तुवाचुङ नगरपालिका–७ का वडाध्यक्ष कमल गिरीले बताए । बिहानैदेखि तीन वटा डोजरले पहिरो पन्छाउने काम भइरहेको उनले बताए । गिरीका अनुसार बाटो खुलाउन अझै दुई–तीन घण्टा लाग्नेछ ।

उक्त ठाउँमा करिब ५० मिटर सडकमा पहिरो थुप्रिएको छ । सडक अवरुद्ध भएपछि एक सयभन्दा बढी सवारी साधन रोकिएका छन् ।